10
август
2022
10-тамыз "АБАЙ КҮНІ"
Абай мұрасы - халқымыздың руханиятын әлемге танытатын теңдесі жоқ құндылық. Оның әділдік, адалдық, адамгершілік идеяларына негізделген, тағылымы мол шығармашылығы - қазақ әдебиетінің жауһары. Сөзі - қазақтың бойтұмары, мұрасы – қазақтың қазынасына айналған. Бүгін Бескөл станциясындағы №14 орта мектебі кітапханасында 10 тамыз "Абай күні" атап өтілді. Ауыл кітапханасымен, мұғалімдер және балабақшамен бірігіп кітапханалық сабақ, кітап көрмесі өткізілді. Мектеп кітапханасында қазақ халқының ұлы ақыны, қара сөздің хас шебері, философ, қазақ әдебиетінің іргетасын қалаған алғашқы классигі Абай Құнанбаевқа арналған «Абай Әлемі» атты кітап көрмесі ұйымдастырылды. Мектеп кітапханасы және Бескөл ауыл кітапханасы қорынан ұйымдастырылған «Абай Әлемі» атты кітап көрмесіне Абайдың өмірі мен шығармашылығы, еңбектері мен танымал тұлғалардың ақын туралы жазылған мақалалары ұсынылды.
Абай халқымызды Отан сүюге, ұлтжандылыққа тәрбиеледі. Ал туған жерге деген құрмет жақыныңа көрсеткен қамқорлықтан бастау алады. Баршамызға ортақ Абай күнімен сіздерді шын жүректен құттықтап, әрбір отбасыға құт-береке, ырыс-несібе тілейміз!
Абай халқымызды Отан сүюге, ұлтжандылыққа тәрбиеледі. Ал туған жерге деген құрмет жақыныңа көрсеткен қамқорлықтан бастау алады. Баршамызға ортақ Абай күнімен сіздерді шын жүректен құттықтап, әрбір отбасыға құт-береке, ырыс-несібе тілейміз!